سلام عليكم ورحمة الله وبركاته
يا هلا فيكم اخواني واخواتي الاعضاء
اليوم جايب لكم مفاجئه وانا احبها كثير
صور احلى الدراجات وبعض المعلومات عنها
بالاول رح اخبركم شكثر انا اموت بالدراجات الناريه
انا شخص مجنون بالدراجات وما احب السيارات غير سياراتي فقط هي الومينا اس اس + الدوج فايبر
كنت امتلك دراجه هوندا CBR400 موديل 2003 عملت فيها حادثه امام كارفور انا وولد خالتي والحمدلله اصابات خفيفه جدا ( الركبه والظهر والراس واليدين )والحمدلله جات سليمه وطبعا الغلط مو مني الغلط من واحد سكران .. طبعا نمت بالمستشفى السلطاني لمدة اسبوعين وبالبيت 3 اسابيع ..
بس حبي للدراجات ما راح ابدا
اشترينا انا ولد خالتي دراجه سازوكي 400 قويه موديل 2003 بس خساره بعناها لان المكينه مالها انكسرت ]'/
وان شالله رح اجيب صورتها عن قريب .
لاتقولون لي مجنون تراني اعرف روحي mnbv
رح اخبركم اشياء اساسيه عن الدراجات ..مثل طريقة التشغيل - كيفية القياده.
نبدا بالخووذه واللي هي حاجه ضروريه جدا وتشيل 99.99% من الاصابات الخطره وطبعا ممنوع منعا باتا قيادة دراجه ناريه بدون خوذه واقيه .
هذا شكل الهيلمت او الخووذة
نبدا
1- الدراجه مثل السياره بضبط فيها مفتاح وفيها مكابح (بريك)و ناقل غيار(جير) دواسة السرعه (ريس).و مسهل التغيير ( الكلش) ما تفرق عنها ابدا
2- علشان تسوقها لازم تعرف بالاول انه الغيار الدراجات الناريه هو 6 غيار ... تبدا كذي
منوفوق الى تحت لكل غيار سرعه معينه:
-6=80 فما فوووق
-5=60 الى 80
-4=50 الى 60
-3=40 الى 50
-2=20 الى 40
-فاضي
-1=من الصفر حتى ال20
3- الغيار او الجير يكون على اليسار ...اليمين يكون البريك( المكابح ) خلفيه
4- الريس يكون على اليمين المقود او الاستيرنج + البريك الامامي ...واليسار يكون عليه الكلش.
5- علشان تلف او تنعطف يمين ويسار لازم تخفف السرعه وتنحني بجسمك مع لف المقود على اتجاه الطريق اللي تبي تروح عليه طبعا مو بقوه .لازم تنزل كط مع الدراجه ( انتو الاثنين تشكلون جسم واحد)
6-تركيز يكون دائما بكل الجهات مش بالامام وبس لكن لما تسرع 100 وفوق ركز امام وبس لانك رح تحس روحك تطير .
7 - توكل على الله ولا تشيل هم شي سرير احتياطي لك في اي مستشفى تنام فيها.er:
انواع الدراجات :
دراجة الهوندا (سونيك) واللي نحن نسميها بجاج او بو شراع
دراجه حلوه بس سرعتها قليلة مو حج الطلعات فقط للتمشايه في الحلل ..مريحه جدا
اقتصاديه ..تجي على اكثر من قوه .. في ال60 سي سي / 80 سي سي/100 سي سي
سلندر واحد ..عاديه ما يبيلها اي كلام وصح سهلة التحكم جدا جدا جدا ونشوفها كثير عن الاطفال الصغار .
دراجة الهوندا 4 تواير
دارجه ال4 تواير من وكالة هوندا هذي الدراجه 100 سي سي/سرعتها 100 كيلو متر/ساعه سلندر واحد
يحبونها الاطفال لانه مو سريعه كثير وميزتها انها رمليه يعني للرمل والشوارع الغير معبده
الدراجه الياماها ( بانشي )750
دراجه جميله جدا معروفه بقوتها وسرعتها.دراجه رمليه 4 تواير 750 سي سي سرعتها 120 كيلو /ساعه 2 سلندر وتجي 4 سلندر حسب السي سي ..ممتازه جدا الانطلاقه قويه جدا تساوي انطلاقت سيارة لومينا اس اس 2002.يحبونها الكبار لانها حلوه وسلهة السيطره وقويه مقاومه للرمال .
الدراجه يا ماها ( هارلي دفيدسون)
دراجه جميله جدا معروفه بالنمط الكلاسيكي ...سريعه وقويه جدا 1400 سي سي /سرعتها تصل الى 280 كيلو/ساعه...4 سلندر ..مطلوبه كثير ويحبونها الكثير وانا منهم طبعا تايرين دفريشن قوي جدا وفي نوعيه ثانيه اقوى بكثير وهي اسمها ( شووبار) قويه جدا .
هذه الدراجه معروفه بسهولة السيطره وسهلوت التحكم في المقود وهي معروفه بقدرة التحمل كبيره جدا ...وتستخدم للمسافات الطويله.بامكانها تمشي من عمان الى البحرين وفقط تتوقف للبترول .
الدراجه هوندا سي بي ار ( دراجه رياضيه ) bnvb
هذه الدراجه هي من نوعية الدراجات الناريه الرياضيه ..وهي قوية جدا جدا وسريعه ..هذه الدراجه الملقبه بال ( ار 1) = دراجة 1000 سي سي ..تصل سرعتها الى 360 كيلو/ساعه ..معروفه بالقوام الجميل صعوبة السيطره قويه ممتعه سريعه جدا ...لا موستانج ولا بورش ولا هم يحزنون
4 سلندر تصل قيمتها الى 10 الف ريال ..راكبين فقط ..
وهذي الدراجه هي ال ( ار 6) 600 سي سي .. سرعتها 280 كيلو/ساعه لكن من وكالة ياماها ..
هذي الدراجه كانت عند صديق لي وعمل فيها حادثه وصكها ببيعه هههههههههههه
طبعا الدراجاة السباق تجي على اكثر من قوة .... في 250 سي سي /400سي سي /600 سي سي/900سي سي/ 1000 سي سي / 1200 سي سي .
وهذي الدراجه تجي على اكثر من شركه مصنعه لها ...اشهرها:
- الهوندا بنوعياتها VFR400/250 - CBR400/600/900/1000 -RR400/600/900/1000 - R1 - R6
- الياماها بنوعياتها R1000 - R600 - TPR 250/400 - VTR 400/600/900
- سازوكي بنوعياتها VRF 400/600 - RZF450/750/950
-الدوجاتي
تجي باكثر من نوع قويه جدا ومعروفه بس شكليتها مو لين هناك فما تحصلونها كثير وغاليه جدا
- كوازاكي بنوعياتها 400 نينجا - 400 كواساكي R - 600- 1000-1100
هذي اشهر الدراجات اللي تشوفونها
تمنيت اجيب كل اشكالها بس سوري
الحين رح اخليكم مع بعض الصور والحركات الجنونيه اللي نعملها او يعملونها خخخخخخ
حركة ر فع التاير الامامي واليد اليسرا فوق
حركة الوقووف على الدراجه وهي تمشي
حركة رفع التاير الامامي مع رفع اليدين عن المقود
حركة حرق التاير الخلفي مع الانطلاقه
حركة رفع التاير الخلفي
حركة التخميس الدائري
اتمنى يكون عجبكم الموضوع
تحياتي
امبراطور الحب
للمزيد من مواضيعي
العرض العادي
